SIMULIZI;MKATABA WA DAMU

MWANDISHI; SANTOS AMANI MWAKOMO

PHONE; 0742516353

MWANZO

KIshindo kikubwa kilisikika kwenye barabara ya sam nujoma huku kila mmoja akiwa haamini jambo lililotokea wakatii huo, katika barabara hio. Ilikua ni ajali mbaya sana iliyohusisha gari la mafuta la kampuni ya fast oil pamoja na gari dogo binafsi aina ya Subaru legacy. Mashuhuda walisogea kwa kasi eneo la tukio huku wakimzonga dereva wa gari la mafuta ambaye aliruka upande wa pili na kukimbia ili apate kuokoa roho ake kutoka kwa watu wenye hasira kali.

Katika hali isiyo ya kawaida gari la mafuta lilianza kuvuja mafuta na kuwafanya watu waanze kusogea na vyombo vya kukingia mafuta ili waweze kupata ridhiki kila mtu kwa wakati wake.

Hakuna aliyejali tena kuhusu watu waliokua kwenye gari dogo kila mtu alikua bize kukinga mafuta na wachache walikua wakipiga picha za tukio zima.

Dakika kumi baada ya ajali hio vilio vilisikika huku anga la eneo hilo likitawaliwa na moshi mzito uliosababishwa na mlipuko mkubwa wa gari la mafuta, watu walikimbia kwa pupa huku kila mtu akijaribu kuokoa nafsi yake kwa wakati wake na wakati huo gari dogo lilionekana kuteketea huku kukiwa hakuna mtu aliyejaribu kulisogelea.

Jeshi la polisi pamoja na zima moto  waliwasili punde bada ya mlipuko huo huku wakijaribu kuzima moto na kuokoa wahanga waliokumbwa na janga hilo, walifanya kadiri wawezavyo kuokoa majeruhi pamoja na watu waliokumbwa na umauti baada ya ajali hio ambapo zoezi hilo lilidumu kwa takribani dakika arobaini na tano huku waandidhi wa habari nao wakirekodi tukio zima mubashara.

Taarifa hizo zilimfikia bi grace warioba, mke wa james warioba akiwa nyumbani kwake mikocheni ambaye awali alikua hana shaka juu ya taaifa ile lakini kadiri msomaji alipokua akiendelea kutoa taarifa ya habari ndivyo moyo wake ulivyozidi kwenda mbio.

Hakuweza kuvumilia aliamua kumpigia simu ramsey mtoto wake wa kwanza lakini hakikuweza kupatikana, alimpigia tricia ambaye simu yake iliita bila kupokelewa na haimaye ikawa haipatikani kabisa.

“ee mungu wangu wasiwe wanangu kwenye ajali hio”. Aliongea bi grace na kuchukua biblia apate kusoma mistari yenye kumpa nguvu kidha baada ya muda alijaribu kupiga tena simu lakini majibu yalikua yale yale

Wazo lililomjia kichwani ni kumpigia mumewe james warioba apate kujua kama alikua na mawasiliano na wanae kwani moyo yake hakua na amani kabisa, simu iliita ana kupokelewa

“naam mke wangu”. aliongea james kwa utulivu wa hali ya juu

“moyo wangu umekufa ganzi, sina amani kabisa nahisi huenda kuna jambo baya linakwenda kutokea”. Aliongea bi grace

“hapana mama tumuombe mungu atuepushie matatizo katika familia yetu, lakini unajua nini mke wangu……”. aliongea james warioba lakini kabla hajamaliza kuzungumza aliona taarifa ya habari kwenye luninga iliyotangaza kuhusu ajali iliyolihusisha gari lake dogo aina ya Subaru legacy 2019 ambalo alilinunua kama zawadi kwa mwanae ramsey baada ya kuhitimu mafunzo ya udaktari wa moyo nchini china.

James warioba alishindwa kuongea tena na kukata simu, kisha kuondoa gari haraka na kwenda nyumbani kisha kumchukua mkewe ambapo walikwenda moja kwa moja eneo la tukio.

Hakika bi grace hakuweza kuamini kwamba ni wanae ndio walioteketea ndani ya gari baada ya ajali ile ambayo pia iliua takribani raia sabini (70).

James aliumia sana lakini alikua na kazi ya kumtuliza mkewe ambaye alilia hadi kupoteza fahamu, hakika kilikua ni kipindi kigumu sana kwa upande wa james warioba kwani hata miili ya watoto wahe haikuweza kuonekana  baada ya kuteketea kwa moto.

Maombolezo ya kitaifa yalifanyika na baada ya muda kupita taratibu jambo hilo lilipita huku kila mmoja akiacha kuizungumzia ajali hio ambayo wengine walidai ni kafara na watu walitoa mitazamo tofauti kila mtu alivojisikia kuzungumza.

Picha wa wanae na matukio ya furaha yalikua yakijirudia kichwani mwa bi grace na kumfanya alie muda wote huku akimlaumu mungu kwa kuwachukua watoto wake wakiwa na umri mdogo kabisa.

“mke wangu, hupaswi kua unalia kila wakati kazi yake mola haina makosa”. Aliongea james

“inauma sana mume wangu, sasa na uzee huu tutapata wapi watoto” aliongea bi grace kwa uchungu sana jambo ambalo lilimuumiza sana james lakini hakua na budi kuitunza siri ya mkataba wa damu moyoni mwake kwani angekufa endapo angeitoa.

“akili, na moyo wangu vinaniambia kwamba wanangu bado wapo hai na wanaishi kwenye ulimwengu wa mateso sana kwani vifo vyao havikupangwa na mola”. Aliongea bi grace na kumfanya james apate mstuko huku moyo wake ukimpasuka

“paaah”.

“ila unajua mke wangu, tuache kuyaongea hayo mambo mimi naogopa sana usiku”. Alijitetea james huku akimshinikiza mkewe wakapumzike chumbani.

“kazi nzuri sana umeifanya mr james, tunakutunuku pete ya utajiri kampuni yako itapata faida mara kumi zaidi ya awali, hakikisha haioni mtu yoyote, umesaini  mkataba wa damu”.

James alistuka kutoka usingizini ambapo alijikagua kwenye vidole vya mikono yake, na kukutana na pete yenye rangi ya bluu na nakshi za almasi huku akihema kwa nguvu aliinuka kitandani kisha alinyata kuelekea nje, lakini kabla hajafungua mlango mkewe alimwita.

Je nini kilifuata?